ஏய் மானிடா…!!!
ஆர்பரிக்கும் ஆப்ரிக்கா
என்னை வா, வா என்றது
வளர்ந்த கரு,
பிறந்த மடியை தேடிச் சென்றது
பூவுலகில் பிறந்த பயனை,
புண்ணிய பூமியில் தேடி அலைந்தது
இது, மனித குலத்தின் தாய்நாடு
நம் தாத்தன், பாட்டன் வாழ்ந்த காடு
அதோ அங்கே, வெள்ளை மல்லிகையை
தலையில் வைத்து கிளிமஞ்சாரோ சிரிக்கிறாள்
அவள் அழகை ரசிக்க, மந்தி மந்தியாய் யானைகள்
மஞ்சள் வெயில் மயக்கத்தில் அன்னநடை நடக்கின்றன
ஜூலையில் பிறந்த யானைக் குட்டிகள்,
தாயின் கால்களுக்கு இடையே பரமபதம் ஆடுகின்றன
கொம்பேறி காண்டாமிருகம்
கொட்டாவி விடுகின்றன
சோம்பேறி ஓட்டகசிவிங்கிகள்
அப்பாவியாய் அலைகின்றன
நீர் யானைகள் குளித்துவிட்டு,
புடவை மாற்ற மறைவிடத்தை தேடுகின்றன
குட்டி சிறுத்தை ஆடர் செய்த புள்ளி மானை,
தந்தை வேட்டையாடி வெட்டி, தாயுடன் புசிகின்றன
டிவி சீரியல் பார்க்க. ஆஸ்ட்ரிச் பறவைகள்
வீடு நோக்கி ஓடுகின்றன
நகை வாங்கி கொடுக்க சொல்லி பெண் நாரைகள்
ஒத்தை காலில் தவம் கிடக்கின்றன
ஷேவிங் செய்யாத காட்டுராஜா, பியுட்டி பார்லர்
போய்வந்த வரிகுதிரைகளிடம் வட்டி வசூலிக்கின்றன
மீசை வைத்த பப்பூன் குரங்குகள்,
மரங்களில் அமர்ந்து கை கொட்டி சிரிக்கின்றன
தாலிகட்ட பயந்து எட்ட நிற்கும் காட்டெருமைகளை,
வெட்கத்துடன் முதலைகள், நீரினுள் மறைந்து பார்கின்றன
இங்கே, காதல் காட்சிகள் ஏராளம்
மாமன் மச்சான் உறவுகளும் தாராளம்
இங்கே, வாய்க்கா வரப்பு தகராறும் உண்டு
முக்கோண காதல் விவகாரமும் உண்டு
இங்கே, ஓடி பிடித்து விளையாடி சாவது செய்தி அல்ல
வயதாகி செத்தால்தான் Breaking News !!!
உயிர் ஜனித்த அழுகை சத்தமும், மரண ஓலமும்,
ஒரே நொடியில் இங்கு மட்டும்தான் கேட்கமுடியும்.
சாண்டியாகோ zooவும், Safari park கும்.
இங்கே, ஒவ்வொரு மரத்தின் கீழும் இருக்கும்
சுட்டெரித்த பகலவன் இரவுக்கு விருந்தளிக்க,
காட்டுக் குயில்களை கூவ சொல்லி நிலவை அழைக்கின்றான்
இலைகள் உதிர்த்து விதவையான அகேசியா மரங்கள்,
மறுமணம் முடிக்க மழையை வேண்டி நிற்கின்றன
பேசும் ஆப்ரிக்க கிளிகள், மௌன விரதம் இருக்க
காட்டு யானைகள் பிளிரும் சத்தத்தில்,
இங்கே, சிவப்பு பூமி அதிர்கிறது
தூவானம் தூறுகிறது
காய்ந்த இலை நெருப்பில் மசாய் மக்கள்,
குச்சிகளுடன் குதித்து நடனம் போட
இரவின் ஒளியில், அண்டம் விரிய
கருப்பு இனத்தின் வெள்ளை மனதை அறிய
ஆப்ரிக்கா வந்து பாருங்கள்.
இது வாரணாசியும், ஜெருசலேமும்
மெக்கா, மதினாவுடன்
ஒன்று கலந்த புண்ணிய ஸ்தலம்
ஆப்ரிக்க கண்டம், ஒரு
அண்டம் விரிந்த பிரம்மாண்டம்
நெஞ்சு குழி பத பதைக்க,
ஈரக்குலை நடுநடுங்க,
மானுடம் தோன்றிய இந்த மண்ணை,
மண்டியிட்டு முத்தம் இட்டேன்.
சிவந்த மண், நெத்தியில் குங்குமம் இட
என் இதயம் துடிப்பது, என் இதயத்திற்கே தெரிந்தது
பெற்றுடுத்த பூமித்தாய்
என்னுடன் முதல் முறையாக பேசினாள்.
இயற்கையே கடவுள், இதை தாண்டி
இவ்வுலகில் ஏதுமில்லை மானிடா,
பொருள் தேடும் உலகில், நீ என் அருள் பெற
இங்கு வா…. வந்து என்னை பார்…. புரியும்
ஆப்பிரிக்காவில் வைரங்கள் மட்டும் மிண்ணுவதில்லை,
ஆப்ரிக்க கண்டமே மிண்ணும் !!!
awesome …
wow
mannil sorkkam..iniya payanam thodarattum..
Good start.. 🙂 <3
வளர்ந்த கரு,
பிறந்த மடி …Fascinating lines and absolute truth.
ஆரம்பமே அமர்களம். ஆப்பிரிக்க நிதர்சனம்.
beautiful pic with touching narration
if possible visit ethiopia good places are there
Amazing
“ஆர்ப்பரிக்கும் ஆப்பிரிக்கா” : ‘ஆப்ரிக்கன் ஸஃபாரி’ ஆரம்பம் அமர்க்களம்!!
யானை கூட்டங்களின் அணிவகுப்போடு (சூப்பர் ஸ்டாரின்) கிளிமஞ்சாரோவின் அழகையும் தூரத்தில் காட்டி கண்கவர் வண்ணப் படத்தோடு ஆரம்பித்த விதமும், பின்னர் அதைப் பற்றிய வர்ணனைகளும் அபாரம்!
இயற்கையின் மாண்பை பறைசாற்றும் ஒரு அதியற்புதமான படைப்பு!
மானுடம் தோன்றிய மண்ணுக்கு, ஒரு மின்னும் இரத்தினக் கம்பளம் போர்த்தி, அன்பு கலந்து முத்தமும் இட்டு, அழகு சேர்த்த அருமையான படைப்பு!
இயற்கையோடு ஒன்றி, மானுட உணர்வுகள் மட்டுமன்றி அனைத்து உயிர்களின் உணர்வுகளையும், இயற்கையின் பால் கண்கூடாக அனுபூதியாக உணர்ந்த ஒரு விந்தை மனிதரின் சிந்தையின் வெளிப்பாடு!
உயிரோடு இயற்கையையும் கலந்து வாழும் ஒரு உத்தம ஆன்மாவின் உள்ளுணர்விலிருந்து வெளிப்பட்ட உன்னதமான பதிவு!
ஒவ்வொரு வரியும், பொருள் பொதிந்து, தகதகவென மின்னும் தங்கவரிகள்! அனைத்துமே உள்ளத்தை அள்ளிச் சென்றாலும், நம்மை மிகவும் கவர்ந்த வரிகள் இவை :
“வளர்ந்த காடு
பிறந்த மடியை தேடிச் சென்றது
இது மனித குலத்தின் தாய்நாடு
நம் தாத்தன், பாட்டன் வாழ்ந்த காடு
மானுடம் தோன்றிய இந்த மண்ணை
மண்டியிட்டு முத்தமிட்டேன்
இங்கே ஓடிப் பிடித்து விளையாடி சாவது செய்தியல்ல
வயதாகி செத்தால்தான் அது பிரேக்கிங் நியூஸ் (Breaking News)!
உயிர் ஜனித்த அழுகை சத்தமும் மரண ஒலமும்
ஒரே நொடியில் இங்கு மட்டும்தான் கேட்க முடியும்!”
மேலும், இயற்கையோடு இயைந்து வாழும் கருப்பு இன (மசாய்) மக்களின் நிர்மலமான மனத்தின் பாங்கை, மதத்தால் மாறுபட்டு நிற்கும் மனிதர்களுக்கு விடுத்த அறைகூவல் அற்புதம்!
“இரவின் ஒளியில், அண்டம் விரிய
கருப்பு இனத்தின் வெள்ளை மனதை அறிய-
ஆப்பிரிக்கா வந்து பாருங்கள்
இது வாரணாசியும், ஜெருசலேமும்
மெக்கா, மதினாவுடன்
ஒன்று கலந்த புண்ணிய ஸ்தலம்!”
(தொடரும்….)
இறுதியாக, அறிதியிட்டு கூறுவோம்!
“இயற்கையோடு உயிர் கலந்து, மனம் லயித்து நிற்கும் தருணம் எவருக்கும் இறை தரிசனம் நிச்சயம் என்பது அனுபூதியில் விளைந்த சத்தியம்!
அந்த வகையில், அன்று ஆர்க்டிக் பயணத்தின் போதும், இன்று ஆப்பிரிக்கன் ஸஃபாரியின் போதும், இயற்கையாக பரிணமித்து நிற்கும் இறையின் வெளிப்பாடான “ஆர்ப்பரிக்கும் இறைசக்தியின் தரிசனம்” (அன்று கலைமகளின் வீணை நாதம் கேட்டதுவும், இன்று பூமித் தாயோடு உள்ளுணர்வால் பேசியதும்) நிதர்சனமான உண்மை!
அதற்குப் பிரமானம் – அந்த அனுபூதியிலிருந்து வெளிப்பட்ட, ஆன்மீக சத்தியத்தில் திளைத்த, பின்வரும் நம் ஆர்க்டிக் ஹீரோவின் (ஆர்ப்பரிக்கும் ஆப்பிரிக்காவில்) அறைகூவல் வரிகள்!
“பெற்றெடுத்த பூமித் தாய்
என்னுடன் முதல்முறையாக பேசினாள்
இயற்கையே கடவுள், அதை தாண்டி
இவ்வுலகில் ஏதுமில்லை மானிடா
பொருள் தேடும் உலகில், நீ என் அருள் பெற
இங்கு வா.. வந்து என்னை பார்.. புரியும்!”
மேற்கண்ட வாக்கியங்களின் மையக் கருத்து, அன்று ஞான சித்தரான திருமூலர் “இறைநிலையின் மறைபொருள் தத்துவத்தை” கூழூக் குறிகளிலிந்து உடைத்தெரிந்து, பட்டவர்த்தனமாக, உருவகத்தோடு பறை சாற்றிய பின்வரும் பாடலையே ‘கொஞ்சம்’ நினைவு கூர்கிறது!
“மரத்தை மறைத்தது மாமத யானை
மரத்தில் மறைந்தது மாமத யானை
பரத்தை மறைத்தது பார்முதல் பூதம்
பரத்தில் மறைந்தது பார்முதல் பூதம்”
[பரம் = பரம் பொருள்; இறை; பார்முதல் பூதம்= பஞ்ச பூதங்களால் உருவான பிரபஞ்சம், இயற்கை மற்றுமனைத்தும்]
பின்குறிப்பு:
“ஆப்ரிக்கன் சஃபாரி” பயணம், அபாரமான முழுமையான வெற்றியடைந்து, அனைத்தும் நினைத்தபடி பூரணமாக நிறைவு செய்து, வாகை சூடி, விரைவில், (கீச் கீச் தவிர்த்த) வானூர்தி மூலம், வான்கூவர் திரும்ப வாழ்த்துக்கள்!
(முற்றும்)
Hi sridar how r u enjoy your time tc all the best
As I promised him, just before bedtime (just now), I showed mithran this photo. Seeing the elephants he jumped and looked at them. Then, I pointed at the mountain and opened my mouth to say something……before i start, he said, “Daddy, this is the biggest mountain in Africa!”. I went ow!. I then asked “do you know what is it called?” He went “Kili mongo!. Teacher Consul told us when we studied continents.” வாழ்க கான்சல்! வாழ்க ஸ்ரீதர்! ஓங்குக அவர் புகழ்!.
Amazing shot! Thanks for giving us the opportunity to look at these beauties 🙂