பனிப் பிரதேசம் – Part 15

மகா, மொட்டு, கப்பு:

நான் ஹோட்டல் லாபியில் நடந்து வரும்போது, அங்கே மூன்று பேர் அமர்ந்து இருந்தார்கள். அவர்கள் முதுகு மட்டும், என் கண்களுக்கு தெரிந்தது. மெதுவாக சென்று அவர்கள் முன்பு நின்றவுடன்தான், அவர்களின் முகத்தை முழுவதுமாக என்னால் பார்க்க முடிந்தது.

அகண்ட முகம், சப்பை மூக்கு, ஏக்கப் பார்வை, கரை படிந்த பற்கள், சடை முடி, கிழிந்த ஜீன்ஸ் பாண்ட்ஸ், கையில் சாராயம், கப்பு நாற்றம். இவர்கள் குளிப்பது கிடையாது என்பது, எனக்கு உடனே மூக்கு சொல்லியது. என் வயிறு குமட்டி, நான் குடித்த சூப், பாதி ஜீரணம் ஆகி என் தொண்டை வழியே Reverse Osmosis தத்துவம் மூலம் நாக்கை தொட்டு சத்தியம் செய்தது.

இவர்கள் குளிப்பது மழையில் மட்டும்தான்.

சுருங்கச் சொன்னால், கிட்ட நெருங்க முடியவில்லை. என்னை பார்த்து மூவரும் முறைத்து பார்த்தார்கள்.

இவர்கள் தான் தி கிரேட் எஸ்கிமோஸ் (Eskimos).

பழக, பழக இவர்கள் உன்னத பிறவிகள் என்று புரிந்தது.

பள்ளியில், பாட புத்தகத்தில் இவர்களைப் பற்றி படித்தது உள்ளேன். இவர்கள் வாழ்க்கை எப்படி இருக்கும் என்று பல நாட்கள் வியந்ததுண்டு. இன்னும் இவர்கள் உயிரோடுதான் இருக்கிறார்களா என்ற சந்தேகமும் எனக்கு உண்டு. நேரில் பார்த்தவுடன், இவர்களிடம் என்ன பேசுவது என்று தெரியாமல் திக்கித்து நின்றேன்.

மூன்று எஸ்கிமோகள், என் முன் இருப்பதை நான் உணர, சிறிது நேரம் தேவைப்பட்டது. பூமியில் இருந்து செவ்வாய் கிரகம் சென்று, நமீதாவை பார்த்தால் வரும் ஆனந்தம். எனக்கு இவர்கள் தரிசனம், பேரானந்தம்.

தாஜ்மஹால் முதல் எஸ்கிமோக்கள் வரை நான் படித்த வரலாறு புத்தக எழுத்துக்கள், உயிருடன் காணும் போது வரும் பரவசம் சொல்லி மாளாது. தாஜ்மஹாலை முதலில் பார்க்கும் போது, யமுனை ஆற்றில் ஒரு எருமை மாடு குளித்துக்கொண்டு என் பரவசத்தை கெடுத்தது. இன்று எஸ்கிமோக்கள் குளிக்காமல் வந்து என் பரவசத்தை கெடுக்கிறார்கள்.

தயங்கிய என்னிடம் ஒருவன், சாராய பாட்டிலை நீட்டினான். எனக்கு குமட்டிக்கொண்டு வந்தது. ஒரு நிமிடம் கூட இவர்களுடன் என்னால நிற்கமுடியாது. சீக்கிரம் பேசிவிட்டு ஓடிப் போய் குளிக்கவேண்டும் என்று தோன்றியது. என் பெயரை சொல்லி நான், மண்டையன் அனுப்பிய ஆள் என்றேன். சொல்லியதுதான் தாமதம். என்னை அப்பிடியே வாரி அணைத்து, அவர்களுடன் சேர்த்து கட்டி தழுவி….முத்தம் மட்டும் தான் கொடுக்கவில்லை. என்னை கட்டிபிடித்து, என் உடல் சுத்தத்தை மாறி மாறி கற்பழித்தார்கள். ஆரண்ய காண்டம், condom இல்லாமல் இரண்டு நிமிடத்தில் முடிந்து போனது. மூச்சு இறைக்க, அவர்களிடம் இருந்து தப்பிப் பிழைத்து எதிரே உள்ள இருக்கையில் அமரப் போனவனை விடாமல், அவர்கள் இடையே என்னை சொருகி அமர வைத்தார்கள்.

யார் இவர்கள்? என்பதை முதலில் சொல்கிறேன்….இவர்கள்தான் இனுவிட்டு மக்கள் (ஆங்கிலத்தில் எசுக்கிமோ என்றும் அழைக்கப்பட்டனர்). ஆர்க்டிக்கு வடமுனைப்பகுதியில் வாழும், பண்பாட்டளவில் மிக நெருக்கமான, பல தொல்குடி மக்களை இது குறிக்கும். இவர்கள் கனடா, டென்மார்க், கிரீன்லாந்து, உருசியா, சைபீரியா, அலாஸ்கா, கனடாவின் நுனாவுட்டு மாநிலம், நியூபின்லாந்து லாபிரடோர் பகுதியில் வாழும் மக்கள்.

இனுவிட்டு (Inuit) என்றால் “மக்கள்” என்று அவர்கள் மொழியாகிய இனுக்டிடூட்டு (Inuktitut) மொழியில் பொருள். இனுக்கு (Inuk) என்பது இனுவிட்டு மக்களைச் சேர்ந்த ஒரு பெண்ணையும், இனுவிட்டு என்பது அம்மக்களைக் குறிக்கும், அச்சொல்லின் பன்மை வடிவம் என்றும் கூறுவர். இனுவிட்டு மக்களின் மொழி எசுக்கிமோ-அலூவிட்டு மொழிகள் குடும்பத்தைச் சேர்ந்த மொழியாகும்.

இவர்கள் அனைவரும் ” Thule” என்னும் கலாச்சாரம் வழி வந்த மக்கள். இவர்கள் மூதாதையர்கள் ரஷ்ய சைபீரியாவில் இருந்து நாய்கள் மற்றும் ஈட்டிகளுடன் மேற்கே குடிபெயர்ந்தவர்கள். உலகத்தில் இவர்களின் மக்கள் தொகை சுமார் 120,000. கனடா, கிரீன் லாந்து, அமெரிக்க அலாஸ்கா தான் இவர்கள் பூர்வீகம்.

கனடா இனுவிக் தான் இவர்கள் பெரும்பாலும் வசிக்கும் கிராமம். இது வெறும் 3000 பேர் வசிக்கும் ஒரு கிராமம். இது north western territories (Canada) வில் இருக்கிறது. நான் பயணத்தில் கடைசியில் சென்று சேரும் இடம், இனுவிக்தான். அதனால்தான் மண்டையன், இவர்களின் உதவியை எனக்கு தருமாறு கேட்டு உள்ளான்.

மெதுவாக பேச்சு கொடுத்தேன். இடம் இருந்து வலம், Introduction:

Morash Nasogaluak – மகா குடிமகன்
Yakeleya Mottou – சுமார் குடிமகன்
Marjorie Moretti – கப்பு குடிமகன்

இவர்களில் ஒருவருக்கு மட்டும் கொஞ்சம் ஆங்கிலம் தெரியும். அவர் தான் Yakeleya Matou ( நாம் இவரை “மொட்டு”) என்று இனி குறிப்பிடலாம். மொட்டு தான் முதலில் பேச ஆரம்பித்தான். நான் மொட்டுவிடம் கேட்டேன்…” அடுத்த வாரம் இனுவிக் வருகிறேன்…நீங்க தான் உதவி செய்யணும்…ஆர்டிக் எனக்கு புதுசு…” என்றேன்.

“மொட்டு” மெதுவாக விரிய ஆரம்பித்தது.

வெள்ளை குதிரையில் இருந்து ஆர்டிக் செல்ல மொத்தம் ஒரு வாரகாலம் ஆகும் என்றும், இது மிகவும் கடினமான பயணம் என்றும் “மொட்டு” ஆங்கிலத்தில் தட்டு, தடுமாறி சொல்ல, இதை ஆங்கிலம் தெரியாத “மகா”வும், “கப்பு”வும் தலையாட்டி அமோதித்தார்கள். இது தான் நான் கடந்து செல்ல வேண்டிய பாதை என்று ” மொட்டு” சொன்னான்.

மகா என்பவர் – Morash Nasogaluak – மகா குடிமகன்
கப்பு என்பவர் – Marjorie Moretti – கப்பு குடிமகன்

Starts in White Horse , via Dawson – Eagle Plains – Artic Centre – Polar Circle – Canada Ice Road – Mackenzie River- Tuktoyaktuk – Inuit – Alkavik – Eskimo Lakes  and Ends in Arctic Sea

Tuktoyaktuk, Inuit, Alkavik சென்று அடைந்தவுடன், நான் சைபீரிய ஹஸ்கி நாய்களின் உதவியுடன் கடைசி இரு நாட்களில், ஆர்டிக் பகுதிகளை கடக்க வேண்டும். இதற்கு தேவையான பயிற்சியும் தேவை. அதை வெள்ளை குதிரையில் மண்டையன் ஏற்பாடு செய்து இருந்தான்.

இந்த மூன்று பேரும், என்னை மீண்டும் கடைசி கட்டத்தில் சந்திப்பதாக ஏற்பாடு. ” மொட்டு”வின் இக்லூ வீட்டில் தங்கவும், ‘மண்டையன்” ஏற்பாடு செய்து இருந்தான்.

நான், மெதுவாக “மொட்டு” விடம் அவர்களின் தின வாழ்க்கை ஆர்டிக்கில் எப்படி இருக்கும் என்று கேட்டேன்.

“முதலில் வீடுகள் பற்றி சொல்கிறேன்” என்று சொன்னான் மொட்டு. பொதுவாக நாங்கள் வாழும் பகுதிகள் treeless places என்பார்கள். எஸ்கிமோக்கள் குளிர்காலத்தில், பனி வீடுகள் கட்டி, அதில் வசிப்பார்கள். புதிய பனியை (Fresh Snow) வெட்டி, இந்த domed வீடுகளை கட்டுவார்கள். பொதுவாக எஸ்கிமோக்கள் தாங்கள் தங்கும் எந்த வீடையும் இக்லூ என்றே அழைப்பார்கள் என்றான் “மொட்டு”.

கனடா மற்றும் கிரீன்லாந்து , மற்றும் இவரது மற்ற பகுதிகளில் , சில எஸ்கிமோக்கள் கல்லை கொண்டும் குளிர்காலத்தில் வீடுகள் கட்டுவார்கள் . இவர்கள் வீடுகளுக்கு முட்டு கொடுக்க, மிதக்கும் பனி சிதறல் அல்லது whalebone பிரேம்கள் மீது கூரை அடுக்குகளை வைத்து கட்டுவார்கள். பொதுவாக ஒரு வீட்டில், ஒரு அரை மட்டுமே இருக்கும்.

வீடுகளில் Caribou தோலில் போர்த்தப்பட்ட பெஞ்சுகள் மீது படுத்து தூங்குவார்கள். கோடை காலத்தில், கிட்டத்தட்ட அனைத்து எஸ்கிமோக்களும் Seal அல்லது Caribou தோல்களால் செய்யப்பட்ட கூடாரங்களில் கட்டி வாழ்வார்கள். கரிபு என்றால் reindeer அல்லது wild reindeer. இது ஒரு மட சாம்ப்ரணி விலங்கினம்.அதைப்பற்றி பிறகு பார்ப்போம்.

மொட்டுவிடம் கேட்டேன், நீங்கள் தினம் என்ன சாப்பாடு சாப்பிடுவீர்கள்?

மொட்டு சொன்னான் ” எங்கள் பாரம்பரிய எஸ்கிமோ உணவு சீல்ஸ் , திமிங்கலங்கள் , மற்றும் பிற கடல் பாலூட்டிகள்தான். குளிர்கால மாதங்களில் வேட்டையாடி இறைச்சியை சமைக்காமல் பெரும்பாலும் உண்ணுவோம். சில சமயம் சமைத்தும், சில சமயங்களில் உலற வைத்தும் . கோடை மற்றும் இலையுதிர் காலத்தில் முக்கிய உணவு Caribou , small game, மீன், மற்றும் பெர்ரி பழங்கள் ஆகும்.

ஒரு பாரம்பரிய எஸ்கிமோ சந்தோசமாக இருந்தால் எஸ்கிமோ ஸ்பெஷல் ஐஸ் கிரீம் செய்து உண்பான் என்று மொட்டு சொன்னான். இது தான் akutok, இதை பெரும்பாலும் எஸ்கிமோ ஐஸ்கிரீம் என அழைப்பார்கள். ஆர்க்டிக் பெர்ரி , சீல் எண்ணெய் , மற்றும் Caribou இறைச்சி மூன்றையும் மிக்ஸ் செய்து இது தயாரிக்கப்படுகிறது .இவர்கள் சூடான தேநீர் மற்றும் பிஸ்கட் போன்றவற்றையும் சாப்பிட பழகிவிட்டார்கள் இந்த காலத்தில் என்றான் மொட்டு.

மொட்டு ஜீன்ஸ் பாண்ட்ஸ் அணிந்து இருந்தான். சரி உங்கள் பாரம்பரிய ஆடை எது என்று கேட்டேன். அதற்கு அவன் எஸ்கிமோ ஆடை விலங்கு தோல்களால் தான் பெரும்பாலும் செய்யப்பட்டது . பாரம்பரியமாக, ஆண்கள், பெண்கள் , மற்றும் குழந்தைகள் ஒரே மாதிரி உடை அணிவார்கள். தனி தனியான உடைகள் கிடையாது.

அவர்கள் நீர் கடல் நாயின் தோல் பூட்ஸ் , parkas என்று முகமூடி உரோம ஜாக்கெட்டுகள், மற்றும் Caribou, நரி அல்லது துருவ கரடியின் தோல்களால் செய்யப்பட்ட ரோமங்கள் அடர்ந்த கால்சட்டை அணிந்து இருப்பார்கள். அவர்களின் நீர்ப்புகா ஜாக்கெட்டுகள் சீல் விலங்கின் குடலால் செய்யப்பட்டன. ஒரு எஸ்கிமோ தாய் தன், குழந்தையை தன் முதுகில் உள்ள Parka பையில் வைத்து சுமந்து இருப்பாள் என்றான் மொட்டு.

குடும்ப வாழ்க்கை எப்பிடி இருக்கும் மொட்டு என்றேன்?

கல்யாணம் உண்டு. குழந்தைகளும் உண்டு. திருமணமான ஜோடிகள் முதல், குடும்பத்தில் பெற்றோர்கள், சகோதரர்கள், திருமணமாகாத சகோதரிகள் என அனைவரும் ஓரே கூரையின் கீழ் தான் வசிப்பார்கள். வழக்கம் போல் ஆண்கள் வேட்டை ஆடுவார்கள். பெண்கள் வீட்டை ஆளுவார்கள்.

பெண்கள், கோடையில் ஆடைகள் மற்றும் உணவு தயார் செய்வார்கள் . குளிர்கால மாதங்களில் பெரும்பாலும் கும் இருட்டு தான் . இவர்களிடம் தலைமுறை தலைமுறையாக வழிவந்த கதைகள் கோடி உண்டு . இதை பெரியவர்கள் அனைவருக்கும் சொல்லி தங்களை தானே மகிழ்வித்த வண்ணம் குளிர்காலத்தை கடத்துவார்கள். இசையுடன் நடனமாடாத இரவுகள் எஸ்கிமோக்கள் மிகவும் அரிது.

சரி, என்ன சாமி கும்பிடுவீங்க மொட்டு என்றேன். இயேசு தான் என்றான். பயணம் முடிந்து வீட்டுக்கு வந்து ஆராய்ந்தபோதுதான் தெரிந்தது, பாதிரியார்கள் ஆர்டிக் வரை சென்று மதம் மாற்றத்தை செய்து உள்ளார்கள் என்று. சில குடும்பங்கள் இன்றும் சூனியக்காரர்களை நம்புவதுண்டு. ஆவிகள் அழைக்கிறேன் பேர்வழிகளும், கடவுளுடன் trunk call பேசுபவனும் எஸ்கிமோ வாழ்க்கையில் உண்டு.

போக்குவரத்து எப்படி?

நிலத்தில் எஸ்கிமோக்கள் showshoes மற்றும் dogsleds பயன்படுத்துவார்கள். Huskies என அழைக்கப்படும் roughcoated நாய்கள் , Huskies, சுமார் 500 to 1,000 pounds (225 to 450 kg) வரை இழுத்து செல்லும் திறன் படைத்தவை.

இவர்களிடம் இரண்டு வகையான படகுகள் இருக்கும். Ice floes மற்றும் Larger skin boats, called umiaks.

Ice floes சிறியது. மிதக்கும் சிதறல் சட்டம், அதன் மீது கடல் நாயின் தோல் மூடப்பட்டிருக்கும் , ஒரு கயாக் மாதிரி இருக்கும்.

Umiaks என்பவை பெரிய தோல் படகுகள். இதில் பல எஸ்கிமோக்கள் பயணம் செய்வார்கள் . அவர்கள் திமிங்கலம் வேட்டைகள் மற்றும் ஒரு இருந்து இன்னொரு இடத்திற்கு முழு குடும்பங்கள் நகரும் போது இதை பயன்படுத்துவார்கள்.

வேட்டை வாழ்க்கை எப்படி மொட்டு இருக்கும்? என்று கேட்டேன்.

19 ஆம் நூற்றாண்டு வரை அம்பும் வில்லும் கொண்டு caribou முதல் போலார் கரடிகள் வரை வேட்டை ஆடினார்கள். சீல் விலங்கை கொல்ல, பனியால் ஆன ஒரு ஈட்டியை அதன் சுவாசம் துளைகுள் குறிபார்த்து எறிவார்கள், எஸ்கிமோக்கள். திமிங்கல வேட்டையை பற்றி அரைமணி நேரம் விளக்கினான் மொட்டு. இதை விளக்க தனி தொடர் ஒன்று தேவைப்படும். இதை தவிர எல்லாருக்கும் தெரிந்த ” Ice Fishing” Patent இவர்களிடம் தான் உள்ளது. கீழே உள்ள காணொளியை பாருங்கள். இவர்களின் வாழ்க்கையை பற்றி மேலும் தெரிந்து கொள்ளலாம்.